ذكريات من زمن فاتعاجلنجوم الفن

ذكريات من زمن فات: الراحل حاتم ذوالفقار في حوار حزين له في اواخر ايامه

 الراحل حاتم ذوالفقار في حوار حزين له في اواخر ايامه

 

– دي حلقه عشان نطمن جمهورك عليك, وعشان تفضفض معاه, وحشت جمهورك اوي يا حاتم؟

= وهو كمان وحشني جدا, هو حياتي كلها, حضرتك متعرفيش ايه الي بيحصلي انا في الشارع او النادي او في اي حته و الناس بتسالني انت فينك, عايزين نرجع نشوفك بتمثل تاني.

– اهدي بس يا حاتم و بلاش نرفزه , انا اسفه مكنش قصدي اقلب الحلقه نكد و دراما.

= انا بس صعبت عليا نفسي , الممثلين الي اخدت بايديهم في اول سكتهم و حضرتك طبعا عارفه يعني ايه اول السكه, والمخرجين الي من كتر وقفتي جنبهم اتعرف عني اني بتاع افلام مقاولات ولا حد سال عني ولا افتكرني.

– متقولش كده !انت قيمه كبيره يا حاتم و كل الناس بتحبك
= زي ما بقولك محدش سال عني و كانو بيتهربو مني الا واحد.

– مين؟

= عادل امام
– في مره جالي زياره و انا في السجن , وطلبت منه بعدها ميجيش تاني عشان مش عايزو يشوفني و انا هنا, ظل طوال مده حبسي كل شهر يسبلي مبلغ كبير في كافتريا السجن.

و اول ما خرجت كان اول واحد جه يشوفني و قالي عايزين نرجع نشتغل تاني مع بعض .. هو مكنش محتاجني ولا حاجه ,هو كان عايز يقف جنبي و خلاص.

“الزعيم” ده مش لقب عشانه مشهور و افلامه بتجيب ايرادات, هو فعلا زعيم في مواقفه و زعيم في جدعنته.

 

مقالات ذات صلة

زر الذهاب إلى الأعلى
Don`t copy text!